Das sin die Aabrennte
Die Aabrennte sin syt 2004 e Schnitzelbangg an dr Basler Fasnacht.
2015 sin die Aabrennte vo dr Universität Harvard yyglaade woorde übers Läbe als Schnitzelbangg z brichte. Zue dere Gläägeheit isch dene vier Herre dr Eeredoggter in Schnitzelbanggologie verliyye woorde. Am Daag dr noo sinn leider die Diplom verschwunde und me het d Spuur uff e Hiwyys vo dr Pulcinella uffgnoo und isch richtig Süde gfaare um dä Kärli wo die Diplom gschnappt het z stelle.
Das sin Bilder vo unserem Harvard-Reisli vo 2015.
E paar Impressione us vergangene Joor mit liebe Frind.
Do e paar impressione in bewegtem Bild
Wiedersehen im Bayou – En Aabrennte Fasnachtsfilm
Es isch dr Alptraum vo jedem Basler Carnevalischt: Die drey scheenschte Dääg rugge nöcher und d Frau Fasnacht isch verschwunde! E klaare Fall für d Herre Fournier, Mahogony, Botterovere und Bananaboym vo dr Holzhandel en gros GmbH (au bekannt als die Aabrennte). Si mache sich uff, die Dame im Süde vo den USA ufzspüüre und erläbe drby en abenteuerliche Trip vo Miami über Tampa, Tallahassee, Pensacola, Mobile und vyyli anderi nätti Örtli bis ins Härz vom Carneval: New Orleans. Ob sy dört d Frau Fasnacht finde?
Wär dä Film nit gsee het, weiss nit, was Fasnacht isch.
Ehrenwürden im Schnee – En Aabrennte Fasnachtsfilm
Dr Basler Schnitzelbangg "Die Aabrennte" wird nach Harvard gruefe, zem em gmeine Elitenunistudänt das mit dr Fasnacht und bsunders mit em Schnitzelbangg z erklääre. Do drfür gits denn grad en Eeredoggter verpasst. Leider isch d Freud nur vor kurzer Duur, well über Nacht wird dene vier Herre die Urkund gstoole. D Suechi nach em teuflische Dieb fiert si denn vo dr Oschküschte ganz in d Südstaate wo si denn mit dr Hilf vo dr Frau Fasnacht in New Orleans am Mardi Gras aakemme… Öb sie dä Kärli denn könne stelle?
IcKE NICKE…
2016 hän mer in der Hauptstadt vom grosse Kanton vom Läben als Schnitzelbangg brichtet und hän Värs us em vergange Joorzäänt vordreit aber au die aggtuelle gsunge. Es isch e riise Gaudi gsii in dr Helvetia Röschti Bar.
Medienecho
Vier Basler erhalten in Boston den Ehrendoktor in «Schnitzelbankologie»
von Silvana Schreier — bz Basel, 11.2.2015 um 17:19 Uhr
Schnitzelbänggler erhalten Doktortitel in Harvard
20 Minuten, 09. Februar 2015